Џерард: Сакам Сити да страда, поради се што ни беше украдено

Легендарниот капитен на Ливерпул, Стивен Џерард (46), бара Манчестер Сити да се соочи со строга казна поради докажани прекршувања на правилата за финансиски фер-плеј. „Граѓаните“ мамеле и работеле нечесно во подолг временски период, а „Стиви Џи“ сака клубот да ги сноси последиците.

Џерард сака Сити да настрада барем исто толку колку што настрадал тој кога се лизна за време на дербито против Челзи во завршницата на сезоната 2013/14 – момент поради кој Ливерпул ја препушти титулата на Сити во последните кола. Истрагите открија дека „Граѓаните“ мамеле и таа година, ангажирајќи играчи на начини кои биле строго забранети.

„Не го сфаќам ова лично кога станува збор за играчите на Манчестер Сити, бидејќи сите тие се извонредни. Тие ги доживеаја тие моменти и очигледно е дека сето тоа го заслужија... Не сум човек што би седел овде и би зборувал за прифаќање медал за освојувач на Премиер лигата, ниту пак би рекол дека сакам еден од нивните. Се помирив со фактот дека никогаш не ја освоив Премиер лигата и дека тоа ќе недостасува во мојата биографија. Исто така, се помирив со она што ми се случи на крајот од таа сезона, а сум слушнал многу играчи и навивачи на Сити како ми велат: 'Тоа не можете да ни го одземете'“, изјави Џерард во емисијата „Overlap Daily“.

„Сметам дека треба да им се воведе забрана за трансфери. Сметам и дека треба да им се одземат бодови во одреден временски период. И треба да се соочат со последиците, исто како што ги тераа другите да страдаат цели девет или десет години. Тоа е моето мислење. Некаде мора да се даде пример.“