КАКО ГРОМ ОД ВЕДРО НЕБО: Дмитро Хориха ќе игра за Македонија!

Македонската ракометна репрезентација добива нова опција во бековската линија. Дмитро Хориха, поранешниот ракометар на Вардар, официјално доби право да настапува за македонската национална селекција.

„Дмитро Хориха е нов член на македонската селекција. Одамна има пасош, од пред месец доби и потврда од ИХФ дека може да настапува за нашата репрезентација, се надевам дека ќе ни се приклучи уште сега со Луксембург и Грција, Добиваме играч кој е даде придонес, во зенитот е на кариерата, со него ќе добиеме на квалитет и ќе придонесе за подобри резултати“, рече претседателот на РФМ, Александар Стефанов.

„Шведска е фаворит во групата, Грција е незгоден противник, покажа дека може да се носи со појаки, но ние сме поиускусни, заедно сме 6-7 години, еден од најдобрите селектори во Европа. Сметаме дека сме поквалитетни, очекуваме пласман на на Европско првенство. Да бидат здрави играчите и да ја израдуваме Македонија“, додаде претседателот.

„Хориха има желба да игра за Македонија, пред доста време доби македонско државјанство и прашање на време беше кога ќе добие дозвола да настапи за нашата репрезентација. Моето мислење е дека со оглед на тоа дека имаше одлични настапи за Вардар, беше еден од водачите во освојувањето на титулата, се пресели во посилна лига, и во ПИК Сегед има важна улога, го следам и мислам дека групата ако го прифати, може да придонесе да бидеме поквалитетни. Има шут од надвор, победнички карактер, игра и одбрана, се надевам со него ќе бидеме поквалитетни“, истакна селекторот Кирил Лазаров.