Не е шега: Кур Кур потпиша за клуб од Австралија кој е добро познат!

Фудбалскиот клуб Preston Lions, клуб со длабоки македонски корени од Мелбурн, Австралија, го претстави своето најново засилување – фудбалерот со навистина специфично име и презиме, Кур Кур.

Кур има богато искуство во австралискиот фудбал. Во сезоната 2021/22 настапувал за Adelaide City, каде на 32 првенствени натпревари постигнал 16 голови. Потоа заминал во Европа и настапувал за ФК Нови Пазар во Србија, а по враќањето во Австралија играл за Brisbane Roar, Avondale и Green Gully. Тој е и репрезентативец на Јужен Судан.

Сега Кур Кур ќе ги брани црвено-црните бои на Preston Lions, клуб основан во 1947 година од македонски иселеници и историски познат како Preston Makedonia. Клубот е со седиште во Reservoir, во северниот дел на Мелбурн, сојузната држава Викторија.

Името сигурно ќе привлече внимание кај македонската публика, но зад необичното име стои фудбалер со сериозно искуство во Австралија и Европа.