Поранешниот украински репрезентативец загина во војната

Поранешниот украински репрезентативец, Роман Максимјук (52), загина во војната во Украина. Веста за смртта на поранешниот играч од средниот ред на Динамо Киев ја соопшти неговата сопруга Вера и тоа повеќе од година и пол откако тој исчезна на бојното поле.

Максимјук доброволно ѝ се приклучи на украинската војска есента 2022 година. Служеше на неколку фронтови, вклучително и во областа околу Луцк и во регионот Харков. Последен пат бил во контакт со сопругата на 30 јануари 2025 година, кога ѝ кажал дека се упатува кон позиција во близина на Покровск и ја предупредил дека можеби некое време нема да биде достапен.

Тој беше припадник на 25-тата посебна воздушно-десантна бригада „Сичеслав“. Во март 2025 година се појавија информации дека неговата единица се обидува да го пробие противничкиот „обрач“. Потоа од неговата сопруга било побарано да поднесе пријава за исчезнато лице.