Риера: Ако не нѐ сакаат во Европа, нека ни кажат!

Поразот во Лугано сигурно ќе остави горчлив вкус кај Црвена звезда, која беше на чекор до позитивен резултат, но во завршницата остана без бодови, нешто што го прави веќе често во последно време.

„Ќе се обидам да останам смирен, бидејќи му требам на мојот тим. Ако го кажам сето она што го мислам, ќе бидам суспендиран“, изјави Риера, најавувајќи дека нема да се откаже од барањето за проверка на судиските одлуки.

„Ќе инсистирам овие ситуации да бидат истражени. Испаднавме од Лигата на Европа поради пенал кога голманот сам падна. Сега останавме без бодови поради пенал што е скандалозен. Ако го досудиш ова, можеш да свириш и 15 пенали на еден натпревар“, порача тренерот на белградскиот клуб.

„Јас не сум Србин, но Црвена звезда е мој клуб. Посветен сум и сакам да се натпреварувам. УЕФА мора да ги истражи овие две ситуации. Ако не нѐ сакаат во Европа, нека ни го кажат тоа“, заклучи Риера.