Убавината на фудбалот: „Армијата на бакалари“ со 26 илјади жители го елиминираше скапиот Арсенал

10 факти за Флитвуд Таун:

Флитвуд Таун се натпреварува во Лига 2, четвртото ниво на англискиот фудбал. По 13 одиграни натпревари, тимот се наоѓа на 18-тото место (од вкупно 24).

Стадионот на клубот се вика „Хајбери“ – истото име како и поранешниот домашен терен на Арсенал. Има капацитет од 5.327 места, од кои 2.672 се седишта.

Флитвуд има 26.000 жители.

Прекарот на клубот е „Армијата на бакалари“ (The Cod Army), што е алузија на историјата на Флитвуд како рибарско пристаниште.

Пред оваа сезона, Флитвуд Таун никогаш немаше стигнато до најдобрите 32 екипи (третото коло) во Лига купот. По елиминацијата на Манчестер Јунајтед, овој скромен клуб се пошегува на сметка на гигантот преку социјалните мрежи, истакнувајќи дека стигнале подалеку во турнирот отколку моќниот противник.

Пред дваесет години, Флитвуд Таун настапуваше во полупрофесионална лига (10-то ниво на англискиот фудбал).

Во периодот помеѓу 2011 и 2012 година, Џејми Варди играше за Флитвуд Таун! Клубот го ангажираше за сума од 170.000 евра. Во текот на сезоната 2011–2012, идниот англиски шампион постигна 31 гол во

„Нашнал конференција“ (National Conference). Една година подоцна, тој беше купен од Лестер за 1,2 милиони евра.

Од 2018 до 2021 година, тренер на Флитвуд Таун беше еден од најексцентричните англиски фудбалери на 21-от век — Џои Бартон.

Флитвуд е местото каде што се произведуваат познатите пастили „Фишерменс френд“ (Fishermen's Friend), кои таму се прават уште од 1865 година. Тие првично биле создадени за локалните рибари.
Енди Пили, поранешниот сопственик на Флитвуд Таун (кој управуваше со клубот од 2003 година), во август 2023 година беше осуден на 13 години затвор. Тој беше прогласен за виновен за измама во вредност од над 15 милиони евра. Клубот имаше неподмирени долгови кон деловните претпријатија на Пили.