(Видео) Бруки: Фрлаа факели кон лицата со попреченост, повредија редар

Белгиската полиција покрена истрага поради нередите што ги предизвикаа навивачите на натпреварот од Лигата на шампионите меѓу Клуб Бриж и Ланс. Гостинските навивачи за време на натпреварот, кој Бриж го доби со 3:0, запалија голем број факели и ги фрлаа кон трибините наменети за домашните навивачи.

Полицијата во Бриж спроведува детална истрага, а нејзината специјална единица за фудбал ќе ги прегледа снимките од безбедносните камери за да ги идентификува одговорните, пренесува белгискиот „Хет Ниувсблад“.

Портпаролката на полицијата потврдила дека по анализата ќе биде составен официјален извештај. На стадионот немало приведени лица, бидејќи полицијата проценила дека обидот за приведување за време на нередите можел дополнително да ги ескалира судирите.

Интересно е што пред натпреварот немало никакви инциденти. Средбата била прогласена за високоризична, но пристигнувањето на француските навивачи, кои со автобуси и полициска придружба биле спроведени до стадионот, поминало мирно.

https://x.com/officialffsnews/status/2113176194367819777?ref_src=twsrc%5Etfw%7Ctwcamp%5Etweetembed%7Ctwterm%5E2113176194367819777%7Ctwgr%5Ea97d61590a36d429930f51ef1484811ede849285%7Ctwcon%5Es1_&ref_url=https%3A%2F%2Fvecer.mk%2Fsport%2Fskandal-frlaa-fakeli-kon-litsata-so-poprechenost-povredija-redar-video-99d61064-8103-4613-a79f-96d03d8e0bf3