(Видео) Гранит Џака ќе се степаше во продавница - погледнете!

Капитенот на Сандерленд и швајцарската фудбалска репрезентација, Гранит Џака, се најде во непријатна ситуација за време на посетата на еден трговски центар. На социјалните мрежи се појави видео на кое маж го провоцира поради неговата неодамнешна пресуда за добивање лажен сертификат за вакцинација против коронавирусот. Џака реагираше бурно и во еден момент се упати кон мажот, но ситуацијата се смири без физичка пресметка.

Провокаторот бил навивач на Њукасл, најголемиот ривал на Сандерленд. На почетокот на видеото, снимателот прави непристоен гест со средниот прст, а потоа се слуша коментарот: „Секако дека навивачите на Њукасл ќе ве исвиркуваат“.

Кратко потоа, некој почнува да вика „Ковид“, очигледно алудирајќи на неодамнешните проблеми на Џака со швајцарското судство. Фудбалерот потоа си оди, придружуван од жена му Леонита.

Сепак, провокациите продолжуваат и Џака се врти и се движи кон лицето кое го снима. Пред да се случи посериозна конфронтација, друг човек му се приближува, разговара со него и се ракуваат. Потоа швајцарскиот репрезентативец си заминува, додека провокаторот продолжува да дофрла.

Инцидентот се случува само еден ден откако Џака јавно објави дека ја прифатил казната од швајцарското судство за добивање лажен сертификат за вакцинација против коронавирусот во 2022 година додека играл за Арсенал. Јавното обвинителство во Луцерн го осуди за добивање лажна службена исправа. Му беше изречена условна парична казна од 150.000 швајцарски франци. Условниот период е две години, што значи дека Џака нема да мора да ја плати казната ако не стори ново кривично дело во тој период.

Аферата имаше и спортски последици, Џака не играше за Швајцарија во натпреварите од Лигата на нации поради кривичната постапка што се водеше против него во Луцерн.

Швајцарската фудбалска асоцијација потврди дека е запознаена со одлуката на канцеларијата на државниот обвинител и дека ќе разговара за иднината на Џака со националниот тим откако ќе заврши судската постапка. Сè уште не е познато дали тој ќе добие дополнителна спортска санкција.

https://x.com/celtic_jaime/status/2108582817504416148?ref_src=twsrc%5Etfw%7Ctwcamp%5Etweetembed%7Ctwterm%5E2108582817504416148%7Ctwgr%5E9551e5fb0ace6cee263b2dcc3af35adb854a97fe%7Ctwcon%5Es1_&ref_url=https%3A%2F%2Fsportmanija.mk%2Fgranit-dhaka-ke-se-stepashe-vo-prodavnitsa-video%2F